Ikasleen betebeharrak

Unibertsitateko ikasleen estatutuan ikasleei dagokienez ageri diren betebehar nagusiak hauek dira:

• Unibertsitatean presentzia aktibo eta ardurakidea izateko konpromisoa beren gain hartzea.
• Ikastea eta bere prestakuntzan era aktiboan parte hartzea.
• Unibertsitate komunitateko kideak eta beren lankideak errespetatzea.
• Unibertsitateko ondasunak zaintzea eta behar bezala erabiltzea.
• Ebaluazio probetan, lanetan edo dokumentu ofizialetan iruzurrezko prozedurarik ez erabiltzea.
• Era arduratsuan parte hartzea unibertsitateko jardueretan eta jarduera horiek ohiko eran garatzen laguntzea.
• Unibertsitateko estatutuak eta araudia ezagutzea eta betetzea.
• Segurtasunari eta osasunari buruzko barne arauak ezagutzea eta betetzea, bereziki praktiketako laborategiak eta ikerketa-inguruneak erabiltzeari dagozkionak.
• Unibertsitatearen izena, sinboloak eta ikurrak errespetatzea, eta horiek behar bezala erabiltzea.
• Ekitaldi akademikoak errespetatzea.
• Unibertsitate komunitateko kideek diskriminatuak ez izateko duten eskubidea aktiboki erabiltzea eta sustatzea.
• Izendatuak izan diren karguei dagozkien ardurak betetzea.
• Ikasleek parte hartzen duten organo kolegiatuen jarduerak eta ebazpenak jakinaraztea ordezkatuei, eta organo kolegiatuetan aktiboki parte hartzea.
• Unibertsitatearen helburuak eta funtzionamendua hobetzen laguntzea.
• Ikaslearen unibertsitatearen estatutuetan jasotako beste edozein betebehar betetzea.